Rusiyanın keçmiş maliyə naziri, hazırda Srateji Araşdırmalar Mərkəzinin rəhbəri olan Aleksey Kudrin sensasion bəyanatla çıxış edib. Lent.az-ın Rusiya KİV-ə istinadən məlumatına görə, sabiq nazir bildirib ki, hökumətin hazırkı təqaüdləri verməyə ehtiyatı qalmayıb.
O qeyd edib ki, hazırda Rusiya Federasiyasının Pensiya Fondunda defisit yaranıb: “Bu defisiti aradan qaldırmaq isə mümkün deyil. Biz hətta vergiləri qaldırsaq belə, defisitin yerini doldura bilməyəcəyik”.