Qara dənizdə yük gəmisi batıb: 7 itkin
19 aprel 2017 09:50 (UTC +04:00)

Qara dənizdə yük gəmisi batıb: 7 itkin

Qara dənizdə yük gəmisi batıb.

 

APA-nın “RİA-Novosti”-yə istinadən verdiyi məlumata görə, “Qeroi Arsenala” adlı gəminin göyərtəsindəki yeddi nəfər itkin düşüb. İlkin məlumata əsasən, gəminin göyərtəsində 12 nəfər olub. Bunlardan 8-i Rusiya, 3-ü Ukrayna və 1-i Gürcüstan vətəndaşıdır. Gəmi Rostov vilayətindən Türkiyəyə taxıl aparırmış.

 

 

Fövqəladə Hallar Nazirliyinin Krım üzrə Baş İdarə rəisinin köməkçisi Vladimir İvanov hadisə yerinə bir neçə xilasetmə gəmisinin və aviasiyanın göndərildiyini deyib. Artıq bir dənizçi xilas edilib, daha dörd nəfəri sudan çıxarmaq istiqamətində işlər gedir.

 

 

Əlverişsiz hava şəraiti xilasetmə əməliyyatlarının keçirilməsinə maneçilik törədir. Bildirilir ki, qəzanın baş verdiyi ərazidə dalğaların hündürlüyü 3 metr, küləyin sürəti saniyədə 20 metrədək çatır.

FHN-nın məlumatına görə, Panama bayrağı altında hərəkət edən yük gəmisinin göndərdiyi SOS siqnalını sərhədçilər qəbul edib. Sonra məlumat xilasedicilərə göndərilib. 

# 119
avatar

APA Baycan

Oxşar yazılar