Dünya şöhrətli yazıçı Qabriel Qarsiya Markesin vəfatı ilə əlaqədar vətəni Kolumbiyada mətəm elan olunub.
APA-nın “RİA Novosti”yə istinadən verdiyi məlumata görə, Kolumbiya prezidenti Xuan Manuel Santos ölkədə 3 günlük mətəm elan edib. “Qabriel Qarsiya Markes ölkəmizin bütün tarixi boyunca vətənin adını ən yüksəyə qaldıran kolumbiyalı idi”, - deyə dövlət başçısı bildirib. Aprelin 21-də Mexikodakı Zərif Sənətlər Sarayında yazıçı ilə vida mərasimi keçiriləcək.
Xatırladaq ki, Nobel mükafatı laureatı Q. Q. Markes aprelin 17-də Mexikoda 87 yaşında vəfat edib. O, xəstəxanada 1 həftəlik müalicədən sonra bir neçə gün öncə evə buraxılmışdı.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
