Hərbi məktəbə hücumu təşkil edən şəxs öldürüldü

Pakistanda hərbi məktəbə hücumu planlaşdıran terrorçu məhv edilib.

APA-nın məlumatına görə, bu barədə “Sky News” telekanalının Pakistan hərbçilərinə istinadən yaydığı xəbərdə deyilir.

“Taliban”nın Pakistan qanadının əsas komandirlərindən hesab olunan Səddam adlı terrorçu öldürülüb, daha 6 nəfər isə yaralanıb. Təhlükəsizlik qüvvələri yaralı terroçuları həbs ediblər. Hazırda onların dindirildiyi bildirilir.

Xatırladaq ki, dekabrın 16-da “Taliban” qruplaşmasının silahlıları Peşaverdəki hərbi məktəbə hücum edərək 150 şagird və müəllimi qətlə yetiriblər.