Əfqanıstanda hakimiyyəti bildirib ki, taliban liderlərindən biri, Ağacan Mühtəsim Birləşmiş Ərəb Əmirliyində (BƏƏ) ev dustaqlığında saxlanılır.
Lent.az-ın “BBC”-yə istinadən məlumatına görə, rəsmi Kabul ona tətbiq olunan bütün məhdudiyyətlərin aradan qaldırılmasını Əmirlikdən istəyib.
Xatırladaq ki, Mühtəsim “taliban” lideri Molla Məhəmməd Ömərin əsas yardımçısıdır. O, “talibanın” Əfqanıstanda hakimiyyəti zamanı ölkənin maliyyə naziri olub.
Əmirlikdə Əfqanıstan hakimiyyətinin təmsilçiləri ilə hərəkat nümayəndələri arasında danışıqlar başlayıb. Bu danışıqlarda talibanı Mühtəsim təmsil edir.
Mühtəsimin rəsmi Kabul nümayəndəsi ilə ilkin danışıqları bu ilin fevralında keçirilib.