Afrika İttifaqı “Boko Haram”a qarşı mübarizəyə başlayır

Afrika İttifaqına üzv ölkələr “Boko Haram” terror təşkilatına qarşı hərbi əməliyyat keçirmək niyyətindədir.

APA-nın Reuters agentliyinə istinadən verdiyi xəbərə görə, bu barədə Qananın prezidenti Con Maxama bildirib.

Onun sözlərinə görə, əməliyyat başlanandan bir müddət sonra Afrika İttifaqı BMT-yə hərbi dəstək üçün müraciət etməyi planlaşdırır.

Xatırladaq ki, “Boko Haram” Nigeriya hökumətinin devrilməsinə və ölkənin şimalında islam dövlətinin yaradılmasına çalışır. 2013-cü ilin mayında Nigeriyanın prezidenti Qudlak Conatan ölkədə fövqəladə vəziyyət elan edərək “Boka Haram” qruplaşmasına qarşı hərbi əməliyyatın başlanmasını bəyan edib.