“Balyoz işi”nə görə həbs edilən 230 zabit azadlığa buraxılır – QƏRAR
19 iyun 2014 18:23 (UTC +04:00)

“Balyoz işi”nə görə həbs edilən 230 zabit azadlığa buraxılır – QƏRAR

Türkiyə Konstitusiya Məhkəməsinin iyunun 18-də qəbul etdiyi qərardan sonra “Balyoz” (gürz) hərbi çevriliş planı hazırladıqları iddiası ilə uzunmüddətli həbs cəzalarına məhkum edilmiş zabitlər haqqında həbs qəti imkan tədbirinin dəyişdirilməsi barədə vəkillərin vəsatətinə baxılıb. APA-nın Türkiyə xəbər agentliklərinə istinadən yaydığı xəbərə görə, İstanbul 4-cü Ağır Cəza Məhkəməsi 230 məhkumun azadlığa buraxılmasına qərar verib.

 

Xatırladaq ki, Türkiyə Konstitusiya Məhkəməsi “Balyoz” hərbi çevriliş planı hazırladıqları iddiası ilə uzunmüddətli həbs cəzalarına məhkum edilmiş Türkiyə Silahlı Qüvvələrinin yüksək rütbəli zabitlərinin şikayəti əsasında qərar qəbul edib. Konstitusiya Məhkəməsi 230 zabitin şikayətini birləşdirərək baxıb və həmin şəxslərin konstitusion hüquqlarının pozulduğu qənaətinə gəlib. Bu hüquq pozuntusunun aradan qaldırılması üçün həmin şəxslərin yenidən mühakimə olunması tələb olunur. Konstitusiya Məhkəməsinin qərarından sonra məhkumların azadlığa buraxılması üçün hüquqi əsas yaranıb.  

 

Qeyd  edək ki, “Balyoz” adlı cinayət işi çərçivəsində aralarında istefada olan ordu generalları və admiralların da olduğu çoxlu sayda istefada və fəaliyyətdə olan zabit həbs edilmişdi. Lakin vəkillər əldə olunan dəlillərin saxta olduğunu bildirirdi.

 

1 2 3 4 5 İDMAN XƏBƏRLƏRİ
# 521
avatar

Oxşar yazılar