NASA Veneraya iki robot göndərəcək

NASA onilliklər boyu başqa planetləri araşdırdıqdan sonra ən yaxın, ancaq bəlkə də ən az dəyərləndirilən qonşumuz isti Veneraya qayıdır.

Lent.az “CBC”-yə istinadən xəbər verir ki, kosmik agentliyin yeni administratoru Bill Nelson Günəş sisteminin ən isti planetinə doğru iki yeni robot uçuşu həyata keçirildiyini elan edib.

“Bu iki missiya Veneranın öz səthindəki qurğuşunu belə əritməyə qadir olan cəhənnəm dünyasına necə çevrildiyini anlamaq məqsədi daşıyır”, - Nelson belə deyib.

“DaVinci Plus” adını daşıyan missiyalardan biri Veneranın buludlu atmosferini analiz edərək planetin nə zamansa okeana sahib olub-olmadığını və orada həyatın mümkünlüyünü təyin edəcək. Kiçik gəmi qazların təzyiqini ölçmək üçün atmosferin dərinliyinə daxil olacaq. “Veritas” adlı başqa bir missiya planetin qayalıq səthinin xəritəsini yaratmaqla, onun geoloji tarixi öyrənəcək. Bu, 1978-ci ildən bəri ABŞ-ın Venera atmosferinə göndərdiyi ilk missiyası olacaq.