Dünya İstanbuldakı tarixi görüşdən danışır:  “Həftənin şəxsiyyəti Ərdoğandır”
29 mart 2022 21:21 (UTC +04:00)

Dünya İstanbuldakı tarixi görüşdən danışır: “Həftənin şəxsiyyəti Ərdoğandır”

Türkiyə Rusiya-Ukrayna müharibəsi zamanı tarixi sammitə ev sahibliyi edib. Atəşkəs ümidi ilə İstanbuldakı Dolmabahçe sarayında keçirilən görüş dünyada çox diqqətlə izlənilib. 

Lent.az xarici mediaya istinadla bildirir ki, dünyanın hər yerindən gələn xəbərlərdə İstanbulda sülh danışıqlarının bu günə qədər ən mühüm irəliləyiş anı olduğu vurğulanıb.

BBC-nin Yaxın Şərq müxbiri Tom Bateman yazıb ki, İstanbuldakı danışıqların nəticəsi dönüş nöqtəsi kimi görünür: "Danışıqlar gözləniləndən bir saat tez başa çatıb”. 

Bu zaman hər şeyin daha da pisləşə biləcəyini düşündüyümü deyən BBC müxbiri səhv etdiyini və bu anın işğalın başlanğıcından bəri ən mühüm diplomatik məqama çevrildiyini söyləyib.

Rusiyanın Kiyev və Çerniqov ətrafında əməliyyatlarını “böyük ölçüdə azaldacağını” açıqlamasının bu müzakirələrdə sürətlənmə olduğunu göstərdiyini yazan BBC-nin xəbərində növbəti günlərdə vəziyyətin yaxından izlənəcəyi bildirilib.

“Bu günə qədər olan ən önəmli hadisə”

Xəbərdə müharibənin davam etdiyi və ölkələrin bir-birinə güvənmədiyi bildirilsə də, İstanbulda sülh danışıqlarının bu günə qədər ən mühüm irəliləyiş anı olduğu vurğulanıb.

Rusiya dövlət xəbər agentliyi RİA-Novosti-nin verdiyi xəbərə görə, İstanbulda Rusiya-Ukrayna danışıqlarına gedən Rusiya nümayəndə heyəti danışıqların ilk günündən sonra Ukraynaya qarşı qarşıdurmanı azaltmaq üçün iki addımı açıqlayıb.

 “Danışıqlar konstruktiv olub”

Agentlik bildirib ki, “Kiyev və Çerniqov istiqamətlərində hərbi fəaliyyətdə ciddi azalma” olacaq, həmçinin Rusiya prezidenti Vladimir Putin və Ukrayna prezidenti Vladimir Zelenski arasında görüş keçirilə bilər.

ABŞ-ın “Washington Post” qəzeti yazıb: “Bir günlük danışıqlardan sonra ukraynalı müzakirəçilər Rusiyanın nəzərdən keçirəcəyini bildirdiyi bəzi təklifləri ümumiləşdiriblər və Moskva bildirib ki, Kiyev və Çerniqov yaxınlığındakı hərbi fəaliyyətlər “qarşılıqlı etimadı artırmaq və sülh yaratmaq üçün “əhəmiyyətli dərəcədə azaldacaq. Bu gələcək danışıqlar üçün lazımi şərtlərdir".

Xəbərdə Rusiya prezidenti Vladimir Putinin müşaviri Vladimir Medinskinin “danışıqların konstruktiv keçdiyi” və Rusiyanın münaqişəni səngitmək üçün addımlar atması ilə bağlı açıqlamaları da yer alıb.

“Həftənin şəxsiyyəti Ərdoğandır”

Almaniyalı jurnalist-yazar Volfram Vaymer NTV Online-da yayımlanan "Həftənin şəxsiyyəti" rubrikasında prezident Ərdoğana yer verib.

“Həftənin şəxsiyyəti Ərdoğan” başlığı ilə yeni yazı dərc edən Vaymer Rusiya ilə Ukrayna arasında gedən müharibə ilə bağlı diqqətçəkən açıqlamalar verib.

O, Fransa prezidenti Emmanuel Makronun, Almaniya kansleri Olaf Şoltzun, İsrail, İsveçrənin, Roma Papasının və ya BMT-nin deyil, atəşkəsi təmin etmək üçün Ərdoğanın İstanbulda sülh danışıqları təşkil edə bildiyini söyləyib.

İstanbuldakı danışıqlar  ilə bağlı da açıqlamalar verən Vaymer deyib: “Dünya İstanbula baxır və sülhə ümid edir. Rusiya və Ukrayna nümayəndələri Türkiyə metropolunda atəşkəs rejimini müzakirə etmək istəyirlər”.

“Türkiyənin hər iki ölkə ilə münasibətləri yaxşıdır”

CNN International öz xəbərində Türkiyənin həm Rusiya, həm də Ukrayna ilə yaxşı münasibətlərə malik olduğunu vurğulayıb. CNN xarici işlər naziri Mövlud Çavuşoğlunun Ukrayna və Rusiya nümayəndə heyətləri arasında bəzi məsələlərdə “barışıq və ortaq anlaşma”nın əldə edildiyinə dair açıqlamalarına da yer verib.
 

# 3099
avatar

Oxşar yazılar

Rusiyada erməni afrikalı biznesmeni öldürdü

Rusiyada erməni afrikalı biznesmeni öldürdü

2 mart 2024 , 02:32
“Kokain” begemotlarını ölkədən qovmaq mümkün olmadı

“Kokain” begemotlarını ölkədən qovmaq mümkün olmadı

1 mart 2024 , 21:42
Fransa TƏLAŞDA:   Korsikaya əlavə qüvvələr göndərilir

Fransa TƏLAŞDA: Korsikaya əlavə qüvvələr göndərilir

1 mart 2024 , 19:25
Sevgilisinə görə İslam dinini qəbul etdi

Sevgilisinə görə İslam dinini qəbul etdi

1 mart 2024 , 17:27
56 yaşlı kişi 10 yaşlı qızı intim videolarla şantaj etdi

56 yaşlı kişi 10 yaşlı qızı intim videolarla şantaj etdi

1 mart 2024 , 17:00
Aleksey Navalnı dəfn olundu

Aleksey Navalnı dəfn olundu

1 mart 2024 , 16:55
Bacısı imtahandan keçsin deyə polis oldu

Bacısı imtahandan keçsin deyə polis oldu

1 mart 2024 , 16:51
İdmançı yarışı qazanmaq üçün qəpikləri uddu

İdmançı yarışı qazanmaq üçün qəpikləri uddu

1 mart 2024 , 16:24