2177
13:20
01 Mart 2020

Xətainin heykəlinin köçürülməsi ilə bağlı RƏSMİ AÇIQLAMA

Bakı Şəhər İcra Hakimiyyəti Şah İsmayıl Xətainin heykəlinin yerinin dəyişdirilməsinə aydınlıq gətirib.

Bakı Şəhər İcra Hakimiyyətinin Mətbuat xidmətindən Lent.az -a verilən məlumata görə, Şah İsmayıl Xətainin heykəlinin iki magistral yolun ortasında yerləşdiyindən, buranın ziyarət üçün uyğunsuz olması ilə bağlı müxtəlif müraciətlər daxil olurub.

Bununla əlaqədar görkəmli dövlət xadimi, şair və filosof Şah İsmayıl Xətainin heykəli ziyarətlər və müxtəlif tədbirlərin keçirilməsi, nəqliyyat vasitələrinin maneəsiz yaxınlaşması və vətəndaşların istirahəti üçün daha uyğun yerə köçürülüb: “Bütün bunlar görkəmli, tarixi şəxsiyyətin heykəlinin yeni səviyyədə təqdim olunmasına imkan verəcək.

Digər tərəfdən, Xətai heykəlinin köçürülməsi Nizami küçəsi ilə Sabit Orucov, Mehdi Mehdizadə küçəsi 28 May küçəsi istiqamətində yolları birləşdirən yol-nəqliyyat qovşağının yaradılmasına imkan verəcək ki, bu da bu ərazidə olan tıxacların qarşısının alınmasına şərait yaradacaq”.

Bakı Şəhər İcra Hakimiyyəti nəzərə çatdırıb ki, heykəlin köçürülməsi abidəyə heç bir xələl gətirilmədən müvafiq qurumların nəzarəti ilə peşəkar şirkət tərəfindən həyata keçirilib.