Azərbaycan Mərkəzi Bankı (AMB) bu ilin sonuna olan inflyasiya üzrə proqnozunu endirib.
AMB-dən "APA-Economics"ə verilən məlumata görə, son meylləri nəzərə almaqla Mərkəzi Bank cari ilin sonuna inflyasiya proqnozuna azalma istiqamətində təshihlər edib. Yenilənmiş proqnozlar 2019-cu ilin sonuna inflyasiyanın 2,8-3% intervalında olacağını göstərir. Mövcud makroiqtisadi meyllərin davam etməsi halında 2020-ci ildə də inflyasiyanın dinamikasında əhəmiyyətli dəyişikliklər gözlənilmir.
Qeyd edək ki, oktyabrın 25-də AMB 2019-cu ilin sonuna inflyasiya hədəf diapazonunun (4±2%) mərkəzinə yaxın səviyyədə formalaşacağını bildirmişdi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
