11:16
25 Noyabr 2019

Azərbaycanda aptek müdiri saxlanıldı - SƏBƏB

Mingəçevir şəhər Polis Şöbəsinə şəhərdə fəaliyyət göstərən apteklərdən birində güclü təsiredici xüsusiyyətlərə malik dərmanların qanunsuz şəkildə satılması barədə məlumat daxil olub.

Lent.az -a Daxili İşlər Nazirliyi mətbuat xidmətinin Şəki regional qrupundan verilən məlumata görə, keçirilən əməliyyat-axtarış tədbirləri nəticəsində həmin dərman preparatlarını qanunsuz satdığı üçün aptekin müdiri Eldəniz Səmədov saxlanılıb. Aptekə keçirilən baxış zamanı oradan 77 ədəd güclü təsiredici xüsusiyyətlərə malik dərman preparatları aşkar olunaraq götürülüb.

Faktla bağlı araşdırma aparılır.

Dİgər xəbərlər