143
07:52
22 İyul 2019

Cənubi Koreyada baş vermiş ağır avtoqəzada 5 nəfər ölüb, 11 nəfər xəsarət alıb

Koreya Respublikasının Kanvondo əyalətində furqonun iştirakı ilə baş vermiş yol qəzasında azı 5 nəfər ölüb, daha 11 nəfər xəsarət alıb.

APA xəbər verir ki, bu barədə “Yonhap” agentliyi məlumat yayıb.

Məlumata görə, Samçxok şəhərində qəzaya uğrayan furqon aşıb. Qəza nəticəsində ölənlərin sayının artacağı istisna edilmir. Yaralıların bəzilərinin vəziyyəti çox ağır hesab olunur.

Polis insidentin təfərrüatlarını araşdırır.