Azərbaycan Milli Elmlər Akademiyası (AMEA) Respublika Seysmoloji Xidmət Mərkəzinin (RSXM) baş direktoru Qurban Yetirmişli və Mərkəzin Zəlzələlərin tədqiqatı bürosunun əməkdaşı Vüqar Fərəcov ABŞ-da səfərdə olublar.
AMEA RSXM-in mətbuat xidmətindən Lent.az-a verilən məlumata görə, səfər çərçivəsində AMEA RSXM-in nümayəndə heyəti 3-7 dekabr tarixində dünya ölkələrindən 29 min qonağın iştirakı ilə Amerika Geofizikia Birliyinin illik toplantısında iştirak edib.
Qeyd edək ki, Amerika Geofizikia Birliyinin toplantısında bütün ölkələrdən gələn seysmoloq-alimlər son illər ıldə olunan yeni elmi məlumatlar haqqında bölmələrdə keçirilən müzakirələrdə məruzələrini təqdim ediblər. Azərbaycan seysmoloqlarının son illər əldə etdiyi nəticələr və görülən işlər keçirilən müzakirələrdə yüksək qiymətləndirilib, ayrı-ayrı ölkələrdən olan seysmoloq alimlər AMEA RSXM-lə əməkdaşlıq etməyə maraqlı olduqlarını bildiriblər. Qurban Yetirmişli səfər çərçivəsində 10-11 dekabr tarixlərində NATO-nun Elm, Sülh və Təhlükəsizlik üçün Proqramı çərçivəsində həyata keçirilən layihənin başa çatması ilə bağlı hesabat toplantısına da qatılıb.