Atanı qızlarının yanında döydülər - Sedat Peker OD PÜSKÜRDÜ

Türkiyəli avtoritet Sedat Peker İstanbulda atanın qızlarının yanında döyülməsi olayına sərt reaksiya verib.

Lent.az yerli mediaya istinadla bildirir ki, hadisə Maltepe adlanan ərazidə hərəkətdə olan qatarda baş verib. Azyaşlı qızları ilə səfər edən D.E. ilə bir qadın arasında yer üstündə mübahisə düşüb. Bu zaman sərnişinlərdən iki gənc oğlan D.E.-yə yaxınlaşaraq, onun sifətinə yumruq zərbələri endiriblər. Sifətindən qan axan ata stansiyada qatardan enib. Ətrafdakılar qorxan uşaqları sakitləşdirməyə çalışıblar.

Hadisə ilə bağlı qəsdən sağlamlığa xəsarət yetirmə maddəsilə cinayət işi açılıb.

Atanın azyaşlı qızlarının yanında döyüldüyü bu hadisənin görüntüləri sosial şəbəkədə yayılıb və ciddi etirazlara səbəb olub. Bu xüsusda Avropada yaşayan avtoritet Sedat Peker də olaya səssiz qalmayıb. O, görüntülərə “Oğlan uşaqlarımıza əziyyət etsələr, deyərdim ki, həyat onları onsuz da sərtləşdirir. Amma qızlarıma olmaz. Görüşəcəyik...” deyə münasibət bildirib.