Bayden namizədlikdən imtina etsə, Trampa kim qalib gələ bilər? - SORĞU

Respondentlərin yalnız 33 faizi hesab edir ki, Bayden demokratların namizədi olaraq qalmalıdır

ABŞ Demokratlar Partiyası ilə əlaqəli tanınmış bir sorğu şirkətinin bu yaxınlarda keçirdiyi sorğu, hazırkı prezident Co Baydenin Donald Trampa seçkidə məğlub ola biləcəyini üzə çıxarıb. Eyni zamanda, digər potensial demokrat namizədlərin qalib gəlmək şansları daha yüksək olub.

Lent.az bildirir ki, bu məlumatı “Politico” nəşri yayıb.

Bendixen & Amandi şirkətinin sifarişi ilə keçirilən sorğuya əsasən, vitse-prezident Kamala Harrisin şansı Trampdan bir bənd, 42-41 faiz üstündür.

Bundan başqa, ABŞ-ın keçmiş dövlət katibi və prezident seçkilərində Trampın keçmiş rəqibi Hillari Klinton da 43 faiz – 41 faiz səs toplayaraq onu qabaqlayır.

Sorğu onu da göstərib ki, Hillari Klinton Kamala Harrislə qoşa yarışsa, onlar Trampı üç faiz qabaqlayacaqlar.

Respondentlərin yalnız 33 faizi Baydenin demokratların namizədi olaraq qalmasına, 52 faizi isə onun yarışı tərk etməli olduğuna inanır.

Sorğu həmçinin göstərir ki, Bayden Trumpı bir faiz, 42-43 faiz geridə qoyur.

Debatıın hamısını və ya bir hissəsini izləyən seçicilərin 86 faizi arasında yalnız 29 faizi hazırkı prezidentin daha bir müddət xidmət etmək üçün əqli qabiliyyətinə və fiziki dözümlülüyünə inanır, 61 faizi isə onun bu keyfiyyətlərə malik olmadığına inanır.