Yüksək xolesterolu olan insanlar yumurta yeyə bilərmi?

Hindistanda olan diyetoloq Ancali Mukhercinin sözlərinə görə, qanda "pis" xolesterinin səviyyəsini azaltmaq üçün pəhrizə xüsusi diqqət yetirmək tövsiyə olunur.

Lent.az xarici mediaya istinadla bildirir ki, mütəxəssislərin əksəriyyəti yüksək xolesterolu olan insanın yumurta yeyə biləcəyi ilə bağlı mübahisə edir. Bəziləri çox yumurta yeməyin xolesterol səviyyələrini artıracağından qorxurlar. Bununla belə, dietoloq Ancali Mukherci yumurtanın çox sağlam məhsul olduğunu iddia edir.

“Yumurta qidalı maddələrlə zəngindir və sağlamlıq üçün çox faydalıdır. Yumurtanın ürək xəstəliyi riskini artırmadığını təsdiqləyən saysız-hesabsız araşdırmalar var”, - mütəxəssis qeyd edib.

Onun sözlərinə görə, aktiv və sağlam həyat tərzi keçirən insanlar gündə bir yumurta yeyə bilər.

Beləliklə, Mukhercinin fikrincə, yumurta:

• keyfiyyətli protein ehtiva edir,

• qanda şəkərin səviyyələrini balanslaşdırmağa kömək edir,

• aşağı qan şəkərindən əziyyət çəkənlər üçün çox faydalıdır,

• anemiyadan əziyyət çəkənlər üçün faydalıdır.