Xəstədə əvvəllər məlum olmayan qan qrupu aşkarlandı

Hindistanın Karnataka ştatının Kolar rayonunun sakinində əvvəllər məlum olmayan qan qrupu aşkar edilib.

Lent.az-ın xarici mediaya istinadən məlumatına görə, kəşf xəstəxanaya yerləşdirilərkən təsadüfən edilib - 38 yaşlı pasiyent ürək əməliyyatı ehtiyacı yaranıb.

Onun qan qrupu O müsbət (Rh+) hesab olunurdu, nəşr iddia edir ki, bu ən çox yayılmış qan qrupudur. Amma məlum olub ki, belə qan nümunələrinin heç biri xəstəyə uyğun gəlmir. Nəticədə xəstəxana Rotary Bangalore TTK Qan Mərkəzindəki laboratoriya ilə əlaqə saxlayıb. Sonra xəstədən və onun yaxınlarından qan nümunələri Beynəlxalq Qan Qrupu Referans Laboratoriyasına (Bristol, İngiltərə) göndərilib.

Ümumilikdə, tədqiqat 10 ay müddətində aparılıb və bu müddət ərzində CRIB adlı qan qrupunda əvvəllər naməlum olan antigeni müəyyən etmək mümkün olub, burada I Hindistan, B Banqalor, CR isə Cromer qan qrupu sisteminə istinad edir.

Qeyd edilib ki, xəstə müalicə alıb, bu xüsusiyyətinə görə prosedurlar xüsusi nəzarət altında aparılıb, ona transfuziyaya ehtiyac olmayıb. Bundan əvvəl M. P. Konçalovski adına Şəhər Klinik Xəstəxanasının transfuzion şöbəsinin həkimləri qan verməyə gələn Moskva sakinində rezus faktor D antigeninin əvvəllər qeydə alınmamış variantını müəyyən ediblər.

Müayinə zamanı həkimlər onun qan qrupu A və D-mənfi Rh faktoru olduğunu müəyyən ediblər. Daha dərin araşdırma göstərib ki, gənc oğlanda D antigeni var, lakin molekulyar genetik test olmadan dəqiq fenotip müəyyən edilə bilməz.