Ürək tutmasının 4 əsas əlaməti

Nəfəs almaqda çətinlik və ürəkbulanma infarktdan xəbər verə bilər və vaxtında tədbir görməsəniz, hər şey ölümlə də nəticələ bilər.

Lent.az-ın xarici mediaya istinadla məlumatına görə, kardioloqların fikrincə, sinədə sıxılma hissi son dərəcə təhlükəli əlamətdir.

"Sinədəki narahatlığı təsvir edərkən insanlar həmişə"ağrı" sözünü işlətmirlər, söhbət sıxılma və ya məhdudlaşdırıcı hisslər haqqında gedir”, - Harvard Tibb Məktəbində kardioloq və tibb və radiologiya professoru Ron Blankşteyn deyib.

İnfarktın ikinci əlaməti nəfəs darlığı və ya nəfəs almaqda çətinlik ola bilər.

“Çox vaxt insanlar yaşa bağlı dəyişikliklərə istinad edərək nəfəs darlığına məhəl qoymurlar. Ancaq fiziki fəaliyyət və ya sürətli gəzinti ilə nəfəs almaqda çətinlik - bu başa düşüləndir, lakin sakit vəziyyətinizdə nəfəs darlığı hiss edirsinizsə, bu, koronar xəstəliklər, ürək çatışmazlığı və ya anormal ürək ritmləri də daxil olmaqla təhlükəli xəstəliklərin əminedici əlamətidir”, - həkim kardioloq Lesli Vaysberq vurğulayıb.

Ürək böhranının üçüncü əlaməti heç bir səbəb olmadan ürəkbulanma və həzm sisteminin pozulmasıdır. Həkimlərin sözlərinə görə, bu cür əlamətlər bir çox xəstəliklərin, o cümlədən infarktın inkişafını göstərə bilər. Özünüzü qorumaq üçün mütəxəssislər özünü müalicə etməkdənsə, diaqnoz qoydurmağı məsləhət görürlər.

Baş gicəllənməsi diqqətdən kənarda qalmamalı olan başqa bir vacib əlamətdir, çünki bu da infarktın göstəricisi ola bilər.

“Başgicəllənmə aritmiya və ya ürək klapanı (qapağı-red.) xəstəliyinin əlaməti ola bilər. Bu təhlükəli vəziyyətə məhəl qoymamaq, dərhal elektrokardioqrafiya çəkdirmək və nizamsız ürək ritmini müəyyən etmək çox vacibdir. Bu, hər hansı bir sapma olub-olmadığına əmin olmağa kömək edəcəkdir”, - kardioloq, tibb üzrə dosent və Nyu-York Universitetində ambulator klinik kardiologiyanın tibbi direktoru Lourens Fillips deyib.