Koronavirusu havada məhv edə bilən filtrlər hazırlandı

Birminqem Universitetinin əməkdaşları SARS-CoV-2 koronavirusunu məhv edə bilən yeni hava filtri təqdim ediblər.

Lent.az-ın xarici mediaya istinadla məlumatına görə, yeni filtr yeni biosid əsasında hazırlanıb. Dərman artıq laboratoriyada sınaqdan keçirilib. Test nəticələrinə görə, virus cəmi bir dəqiqə ərzində ölüb.

Hazırlayanlar bildirirlər ki, sınaqlar zamanı biosid filtri bir dəqiqə ərzində virusu məhv edib, halbuki adi şəraitdə patogen ən azı bir saat öz fəaliyyətini saxlayıb.

Filtrin göbələklərə və digər patogenlərə qarşı effektivliyinə dair eyni vaxtda aparılan tədqiqatlar da yeniliyin yüksək məhsuldarlığını göstərib.

Laboratoriya sınaqları ilə yanaşı, qatar vaqonlarında da sınaqlar aparılıb. Bunun üçün havalandırma sistemlərində və kondisionerlərdə xüsusi filtrlər yerləşdirilib.

Sınaqlar üç ay ərzində aparılıb, bundan sonra filtrlər çıxarılıb və laboratoriyada yoxlanılıb.

Beləliklə, biosidin bütün sınaq müddəti ərzində təsirli olduğu ortaya çıxıb.

Yeniliyin əsas üstünlüyü ondan ibarətdir ki, filtrin quraşdırılması hava mübadiləsi sistemlərində əsaslı dəyişikliklər tələb etmir.