İmmunitetin zəifləməsinin əsas səbəbləri

İmmunitet sisteminin zəifləməsi allergiya, müalicə olunmayan infeksiya və ya düzgün olmayan qidalanma nəticəsində yarana bilər.

Lent.az xarici KİV-ə istinadən xəbər verir ki, mütəxəssis Lyudmila Lapa tez-tez baş verən soyuqdəymələrin əsas səbəblərini açıqlayıb.

Həkimin sözlərinə görə, immunitet sisteminin virus və bakteriyalara effektiv müqavimət göstərə bilməməsinin birinci səbəbi allergenlərlə təmasdır. İkinci səbəb, bədəndə bəzən qrip və ya koronavirusdan əziyyət çəkəndən sonra baş verən xroniki infeksiya ocaqlarının olmasıdır.

Terapevt izah edib ki, davamlı infeksiyalar da adlandırılan bu cür viral "izlər" bədəni tükəndirir, immunitet sistemini daimi gərginlik altında işləməyə məcbur edir.

Bundan əlavə, Lapa bədənin ehtiyac duyduğu qidaları qidadan almadığı təqdirdə immunitetin zəiflənə biləcəyinə diqqət çəkib. Terapevtin fikrincə, immunitetin zəifləməsi həddindən artıq sərt pəhrizlərə riayət etmək və ya pəhrizdə tərəvəz, meyvə, ət və ya digər qidaların olmaması səbəbindən baş verə bilər.

Həkim əlavə edib ki, evdə immuniteti yüksəltmək faydasızdır. Bir şəxs tez-tez xəstələnirsə və ya dəri döküntüsü varsa, o, problemin səbəbini tapmaq və aradan qaldırmaq üçün kömək edəcək bir immunoloqla əlaqə saxlamaq lazımdır.