Baş Prokurorluğun sabiq mətbuat katiblərinə general rütbələri verildi - SƏRƏNCAM

Azərbaycan Prezidenti İlham Əliyev tərəfindən III dərəcəli dövlət ədliyyə müşaviri ali xüsusi rütbələri (general-mayor) verilən prokurorluq əməkdaşlarından ikisi Baş Prokurorluğun Mətbuat Xidmətinin sabiq rəhbərləridir.

Lent.az-ın məlumatına görə, hazırda Baş Prokurorluğun Sənədlərlə və müraciətlərlə işin təşkili idarəsinin rəisi vəzifəsində çalışan Eldar Sultanov və Baş Prokurorluğun Xüsusi müsadirə məsələlərinin əlaqələndirilməsi idarəsinin rəisi Vüqar Əliyev əvvəllər Baş Prokurorluğun Mətbuat xidmətinin rəhbəri vəzifəsində çalışıblar.

***

saat 15:22

Prezident İlham Əliyev Azərbaycan Prokurorluğunun əməkdaşlarına ali xüsusi rütbələrin verilməsi haqqında sərəncam imzalayıb.

Lent.az-ın xəbərinə görə, sərəncama əsasən, Azərbaycan Prokurorluğunun aşağıdakı əməkdaşlarına III dərəcəli dövlət ədliyyə müşaviri ali xüsusi rütbəsi verilib:

Musayev Elnur Novruz oğlu – Baş Prokurorluğun Cinayət təqibindən kənar icraatlar idarəsinin rəisi

Əliyev Vüqar Nurəddin oğlu – Baş Prokurorluğun Xüsusi müsadirə məsələlərinin əlaqələndirilməsi idarəsinin rəisi

Sultanov Eldar Aslan oğlu – Baş Prokurorluğun Sənədlərlə və müraciətlərlə işin təşkili idarəsinin rəisi

Əhmədov Mübariz Hüseyn oğlu – Baş Prokurorluğun Elm-Tədris Mərkəzinin rəisi.