“40-cı qapı” bədii filmi daha 2 mükafatı Almaniyada qazandı!
17 noyabr 2009 14:45 (UTC +04:00)

“40-cı qapı” bədii filmi daha 2 mükafatı Almaniyada qazandı!

Azərbaycanda çəkilən “40-cı qapı” bədii filmi 10-15 noyabr 2009 – cu il tarixində Almaniyada keçirilən Beynəlxalq Cottbus Kino Festivalında 2 nominasiya üzrə mükafata layiq görülüb. “Ritm production” kino şirkətinin direktoru Xaqani Həşimovun verdiyi məlumata görə, film “The International Film Guide Inspiration Award” və “Prize of the Ecumenical Jury with a Special Mention” mükafatlarını qazanıb.

Münsiflər Heyəti tərəfindən əsas bölmədə müsabiqəyə dünyanın 36 ölkəsindən 11 film seçilib.

Filmin rejissoru Elçin Musaoğlu və aktyor Rövşən Ağayev 18 noyabrda Beynəlxalq Bursa Kino Festivalında iştirak etmək üçün Türkiyəyə yola düşüblər.

“40-cı qapı” bədii filmi Mədəniyyət və Turizm Nazirliyinin dəstəyi ilə “Ritm production”da çəkilib.
# 1130

Oxşar yazılar