Safura: “Facebook”a belə daxil olmağa qoymurdular”

Azərbaycanı “Eurovision 2010” Mahnı Müsabiqəsində təmsil edən Safura Əlizadə İsveçlə imzaladığı razılaşmadan imtina edib. Lent.az-ın məlumatına görə, bunu keçirdiyi mətbuat konfransında müğənni özü bildirib.

Onun sözlərinə görə, 2011-ci ildə 5 illik müqavilə bağladığı şirkət müğənniyə ciddi problemlər yaradıb: “Onlarla çox rahatsız idim. Mənə heç nəyə icazə vermirdilər. Azadlığımı əlimdən almışdılar. Ailəmi görmək üçün Azərbaycana gələ bilmirdim. Efirə çıxmaq, tədbirlərə qatılmaq, hətta “Facebook”a belə daxil olmağa qoymurdular. Beləcə, mən qərara gəldim ki, onlarla müqaviləyə son qoyum”.

Müğənni bildirib ki, başqa bir şirkətdən ona təklif gələrsə, bunu dəyərləndirməyə çalışacaq: “Mənim İsveçdə yaxşı tanışlarım var. İstənilən vaxtı onlar mənə kömək edə bilər. Hətta mən başqa şirkətlə də müqavilə bağlaya bilərəm. Ancaq bu dəfə şərtlərə daha yaxından tanış olacağam. Onların şərtləri məni qane edərsə, razılaşacağam”.

Jalə