Bakıda mağazalar hərraca çıxarılacaq
05 avqust 2009 16:00 (UTC +04:00)

Bakıda mağazalar hərraca çıxarılacaq

Əmlak Məsələləri üzrə Dövlət Komitəsi sentyabrın 1-də Bakıda hərraca çıxarılacaq kiçik dövlət müəssisə və obyektlərinin siyahısını açıqlayıb.
Lent.az-ın Əmlak Məsələləri üzrə Dövlət Komitəsinin rəsmi internet saytına istinadən yaydığı məlumata görə, paytaxtın Səbail rayonunda 20-ci sahə dairəsindəki 125 saylı pavilyon (sahəsi 41,1 kvadratmetr), Əzizbəyov rayonun Qala qəsəbəsində 2 saylı geyim mağazası (298, 4 kvadratmetr), Suraxanı rayonunun Əmircan qəsəbəsində 27 saylı ərzaq mağazası (166,5 kvadratmetr) hərraca çıxarılacaq.
Bu pavilyon və mağazaların start satış qiyməti müvafiq olaraq 6537 manat, 23061 manat, 19052 manatdır. Bu məbləğlərin 15 faizi güzəştli satışa yönəldiləcək.
Mağazalarla bərabər, Bakı şəhəri, Qaradağ rayonu, Sahil qəsəbəsindəki 12 saylı emalatxana (15,5 kvadratmetr) da hərraca çıxarılacaq.
Hərraca qatılmaq istəyənlər əvvəlcədən 10 faiz behlərindən keçməlidirlər.
Ramiz
# 669

Oxşar yazılar