Gürcüstan Milli Olimpiya Komitəsində (MOK) prezident seçkisi keçirilib. Lent.az-ın məlumatına görə, bu posta Leri Xabelov seçilib. Xabelov hesabat-seçki konfransının nümayəndələrindən 59 səs yığıb. Əvvəlki prezident Giya Natsvlişvili isə 43 səs qazanıb.
I vitse-prezident postunu Gürcüstan Jurnalistlər Assosiasiyasının prezidenti Elquca Beriaşvili, vitse-prezident vəzifələrini isə olimpiya çempionları Nino Salukvadze və Mamuka Xabareli tutublar.
Qeyd edək ki, Leri Xabelov baş nazir Bidzina İvanişvilinin sədri olduğu “Gürcü arzusu”nun fəalıdır. Giya Natsvlişvili isə prezident Mixail Saakaşvilinin rəhbərlik etdiyi Vahid Milli Hərəkatın fəalıdır.