Topaz Premyer Liqasında 2013-2014-cü il mövsümündə klubların heyətində yaşı 21-dək olan yerli futbolçu qismində 1992-ci il təvəllüdlülər də oynaya biləcəklər. Lent.az-ın məlumatına görə, bu barədə AFFA-nın rəsmi saytında bildirilir.
Qurumun İcraiyyə Komitəsinin ötən il martın 9-da keçirilmiş iclasında Premyer Liqanın 2012-2013-cü il mövsümündən başlayaraq yeni legioner limiti tətbiq olunub. Buna əsasən, klublar start heyətində 7 legioner, 3 yerli və 1 nəfər yaşı 21-dək olan yerli futbolçudan yararlanmalıdırlar. Hazırkı mövsümdə də komandalar 1992-ci il və sonrakı illərdə anadan olan futbolçuları ilk “11-lik”də meydana buraxırlar.
Bu isə o deməkdir ki, növbəti mövsümdə futbolçuların minimum təvəllüdündə dəyişiklik baş verməyəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
