Sentyabrın 20-də Bakıdakı “MediSina” klinikasında süd vəzi kanalındakı əməliyyata hazırlıq zamanı dünyasını dəyişmiş tənqidçi Elnarə Tofiqqızının ölümünün səbəbi ilə bağlı yekun ekspertiza rəyinin vaxtı açıqlanıb.
Lent.az-ın “Media forum” saytına istinadən xəbərinə görə, mərhumun həyat yoldaşı, jurnalist Anar Niftəliyev bu barədə Səhiyyə Nazirliyinin Məhkəmə-Tibb Ekspertizası və Patoloji Anatomiya Birliyi Mərkəzi Aparatının rəhbəri Ceyhun Allahverdiyevdən məlumat aldıqlarını deyib: “Ölüm faktı ilə bağlı ilkin rəyi hadisədən bir gün sonra açıqlayıblar, tibbi-yoxlama və analizlər davam etdirilir və yekun rəy qısa müddətdə hazır olacaq. Ceyhun Allahverdiyevin sözlərinə görə, ən geci oktyabrın 22-də Elnarənin ölümünün səbəbi ilə bağlı yekun ekspertiza rəyi rəsmən açıqlanacaq”.
Məhkəmə-Tibb Ekspertizası və Patoloji Anatomiya Birliyinin ilkin rəyində Elnarə Tofiqqızının ölümün səbəbi kimi həkimlərin məsuliyyətsizliyi göstərilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
