Bakıda maşın 48 yaşlı qadını vuraraq öldürüb

Bakıda piyadanın ölümü ilə nəticələnən yol qəzası baş verib. Xətai Rayon Polis İdarəsindən APA-ya verilən məlumata görə, yol-nəqliyyat hadisəsi Məhəmməd Hadi küçəsi - 66-nın qarşısında qeydə alınıb.

Bakı şəhər sakini, 1993-cü il təvəllüdlü Cəlal Qorxmaz oğlu Məhərrəmov idarə etdiyi 90-LZ-586 dövlət nömrə nişanlı “VAZ 21-07” markalı avtomobillə yolu keçən piyada - Bakı şəhər sakini, 1966-cı il təvəllüdlü Gülnarə Davud qızı Qurbanovanı vurub.

G. Qurbanova xəstəxanada dünyasını dəyişib.

Faktla bağlı cinayət işi açılıb, araşdırma aparılır.