Aprelin 15-də Bakı şəhərinin Binəqədi rayonu ərazisində bıçaqlanma hadisəsi baş verib. Bakı şəhər Baş Polis İdarəsindən Lent.az-a verilən məlumata görə, saat 03:00 radələrində A.Gəraybəyli küçəsində Bakı şəhər sakini Ramiz Süleymanov mübahisə zəminində qohumu Qoxmaz Abdullayevə bıçaq xəsarəti yetirib. O, Binəqədi RPİ 5-ci PB-nin əməkdaşları tərəfindən yaxalanıb.
Oxşar hadisə Pirallahı qəsəbəsində də qeydə alınıb. Aprelin 14-ü saat 22:10 radələrində Pirallahı qəsəbəsində yaşayan Oleq İqnatkin döş qəfəsindən aldığı bıçaq xəsarəti ilə 3 saylı xəstəxanaya yerləşdirilib. Xəzər RPİ 3-cü PB əməkdaşlarının keçirdikləri əməliyyat tədbirləri nəticəsində cinayətdə şübhəli bilinən Əlimirzə Ağamirzəyev aprelin 15-də yaxalanıb.