Şəmkirdə yanğın hadisəsi baş verib.
Lent.az xəbər verir ki, APA-nın yerli bürosunun məlumatına görə hadisə rayon ərazisində qeydə alınıb.
Rayon sakininə məxsus istixanada anidən yanğın başlayıb. Dərhal əraziyə FHN-in yanğın söndürən avtomobilləri və canlı qüvvəsi cəlb edilib.
Yanğın zamanı istixana və istixanaya bitişik olan yardımçı tikilinin yanar konstruksiyaları, taxta tullantıları yanıb.
Həmçinin istixananın yaxınlığında olan 300 m² sahədə kol-kos yanıb. Yanğın söndürülüb, yaxınlıqda olan bir neçə ev yanğından mühafizə edilib.
Hadisənin baş vermə səbəbləri araşdırılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
