Həbsxanadan döyüşə yollanan azərbaycanlıya orden verildi

Rusiyanın Orlov vilayətində azərbaycanlı Sabir Əhmədov mükafatlandırılıb.

Lent.az yerli mediaya istinadla bildirir ki, Kromski rayon administrasiyası Sabir Əhmədova “Cəsarət ordeni” təqdim edib.

Məlumata görə o, 2019-cu il 29 martda Orlovda sürücü Denis Matievskini qətlə yetirdiyinə görə 17 il ciddi rejimli həbsxanada cəza çəkməyə məhkum olunub. Lakin cəzasının 2 ilini çəkəndən sonra Ukraynadakı döyüşlərə könüllü yollanıb.

İstintaqın versiyasına görə, cinayət şəxsi münaqişə zəminində baş verib. Əhmədovun vəkilinin sözlərinə görə, qətlə səbəb Əhmədovun həyat yoldaşının sürücü ilə münasibətləri olub.