Türkiyədə ermənilərdən ibarət cinayətkar dəstə ifşa olundu

Onlar türk balıqçılardan xərac alırmışlar
İstanbul polisinin Maliyyə Cinayətləri ilə Mübarizə Şöbəsi şəhərin Kumkapı adlanan ərazisində balıqçılara yüksək faizlə borc verən və borcunu ödəyə bilməyənlərin mallarını əlindən alan bir dəstənin fəaliyyət göstərdiyini aşkarlayıb.
Lent.az-ın türk mətbuatına istinadən verdiyi xəbərə görə, bu dəstənin ifşa edilməsi üçün polis iyulun 23-dən əməliyyata başlayıb və 12 müxtəlif ünvanda araşdırma aparılıb.
Beş günlük əməliyyat zamanı cinayətkar dəstənin lider, erməni əsilli Arsen Çılbıyıqoğlu da olmaqla, 13 nəfər saxlanılıb. Qanunsuz əməllə məşğul olan dəstə üzvlərinin hamısı erməni əsillidir.
Cinayətkar dəstə 2007-ci ildən fəaliyyətə başlayıb və 34 milyon dollar “gəlir” əldə edib. 6 balıqçı gəmisini borc əvəzi balıqçıların əlindən alıb.
Polis cinayətkarlardan 204 min türk lirəsi, 5 tapança, 6 bıçaq, 229 borc çeki, 10 mülkiyyəti təsdiq edən sənəd və s. götürüb.