Lənkəranda 6 HİV daşıyıcısı tapıldı

HİV daşıyıcılarının 30-35 yaş aralarında olduğu bildirilir
Azərbaycanın cənubunda yerləşən Lənkəranda son 2 ayda 6 HİV daşıyıcısı aşkarlanıb.
Lent.az-ın xəbərinə görə, bu barədə Lənkəran rayonlararası Narkoloji Dispanserin baş həkimi Vüqar Əliyev cümə axşamı Trend News-a məlumat verib.
54 narkomanın qan analizlərinin müayinəsi zamanı HİV virusu müəyyənləşdirilib.
Onların inyeksiya yolu ilə yoluxduqları məlum olub və qan nümunələri təsdiqlənməsi üçün Bakıya göndərilib.
HİV daşıyıcılarının 30-35 yaş aralarında olduğu bildirilir. Rayonda HİV daşıyıcılarının sayı 168-ə çatıb.
Baş həkimin sözlərinə görə, 2009-cu ilin bu gününədək narkodispanserdə 1123 narkoman qeydiyyatdadır. Onlardan 19-u son iki ayda qeydiyyata götürülüb.
Hazıda cənub bölgəsində 292 QİÇS-li xəstə var və onların 82 faizini kişilər təşkil edir.