Qızardılmış kartofa un əlavə edin – Möhtəşəm nəticə

Bəzən kartof qızardarkən dilimlərin bir hissəsi yanır, digər hissəsi isə çiy qalır. Bəs, biz dadlı və xoş görünüşlü kartofları necə hazırlaya bilərik?

Lent.az qızılı rəngli, xırtıldayan və ləzzətli kartof qızartmasının hazırlanması üçün faydalı bir məsləhəti təqdim edir:

Bunun üçün sadəcə yeməyə un əlavə etmək kifayətdir. Əvvəlcə kartofun qabığını soyub istəyə görə dilimlər və ya dairələr şəklində kəsməlisiniz. Bütün parçaların təxminən eyni ölçüdə olması vacibdir.

Sonra artıq nəmdən qurtulmaq üçün kartofu kağız dəsmallarla yaxşıca qurutmaq lazımdır. Bunu etməsəniz, istədiyiniz ləzzətli kartofu əldə etməyə bilərsiniz.

Bundan sonra, qızartmaq üçün hazırlanmış kartof böyük bir qaba qoyulmalı və ədviyyatlar, buğda unu üzərinə səpilməlidir. Çalışıb duzlamaq üçün tələsməyin. Nazik bir qat un və ədviyyatla örtülənə qədər kartofu qarışdırın.

Bu zaman bitki yağı əlavə edərək qızartma qabını qızdırın. Tavanın tam qızmasından əmin olduqdan sonra kartofu əlavə edin. Tavanın qapağını örtməyin və ya kartofu tez-tez qarışdırmayın.

Qızartmanın bitməsinə təxminən 2-3 dəqiqə qalmış kartofu duzlayın və son dəfə qarışdırın.