Avqustun 6-da Yaponiyanın Xirosima şəhərinə atom bombası atılmasının 77-ci ildönümünə həsr olunan mərasimə Rusiya nümayəndələri dəvət edilməyəcək.
Lent.az xəbər verir ki, bu barədə Rusiyanın Yaponiyadakı səfiri Mixail Qaluzin “Facebook” səhifəsində yazıb.
Səfir Yaponiyanın bu addımını biabırçılıq adlandırıb.
Mərasimin təşkilatçılardan birinin “Kyodo” agentliyinə bildirib ki, Xirosima meriyasından Rusiya prezidentinə dəvət göndərmək planı var idi, lakin hökumətin təkidi ilə bunu etməmək qərarına gəlinib. Tədbirə Belarus səfiri də dəvət almayacaq.
Qeyd edək ki, atom bombası qurbanlarının xatirəsinə həsr olunan mərasimə adətən nüvə dövlətlərinin liderləri və bütün ölkələrin səfirləri dəvət olunur. Mərasimə 3550 qonağın qatılacağı gözlənilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
