Fidel Kastronun oğlu universitetdə saxta adla oxuyub

«Kuba inqilabının lideri 87 yaşlı Fidel Kastro Rusun sağlıq durumu yaxşıdır və o, ölkənin siyasi həyatında iştirak edir».

Lent.az-ın «RİA Novosti»-yə istinadən məlumatına görə, bu açıqlamanı onun oğlu, Kuba Respublikası Dövlət Şurası sədrinin elmi məsələlər üzrə müşaviri Fidel Kastro Dias-Balart verib.

«Bu insan dünya üçün böyük əhəmiyyət kəsb edir. O, fəal siyasətdən və prezidentlikdə uzaqlaşsa da, siyasi subyektdir və onu görmək istəyən bir çox prezidentlə danışır. Sağlıq durumu da çox yaxşıdır» -deyə, Dias-Balart söyləyib.

O, qeyd edib ki, atası kütlə arasında görünməsə də, ölkənin siyasi həyatında iştirak edir, öz sələflərinə məsləhətlərini verir: «Onlar onun məsləhətlərini müsbət qarşılayır» .

Oğul Kastro Moskva Dövlət Universitetinin «Nüvə fizikası» fakültəsini bitirib. İnqilab liderinin oğlu olmasını gizlətmək üçün o, Xose Raul Fernandes adı altında təhsil alıb və diplomunda da bu ad yazılıb. Sentyabrın 27-də ona universitetin fəxri professoru diplomu artıq öz gerçək adına yazılıb.