Dəniz quldurları İran gəmisinə HÜCUM ETDİ
10 avqust 2022 15:38 (UTC +04:00)

Dəniz quldurları İran gəmisinə HÜCUM ETDİ

Qırmızı dənizdə İran Hərbi Dəniz Qüvvələri ilə bu ölkənin ticarət gəmisinə hücum edən dəniz quldurları arasında atışma baş verib.

Lent.az APA-ya istinadən xəbər verir ki, bu barədə İran Hərbi Dəniz Qüvvələrinin əməliyyatlar üzrə müavini Mustafa Tacəddini deyib.

O bildirib ki, “Camaran” esminesi ötən gecə ticarət gəmisindən hücum barədə xəbərdarlıq aldıqdan sonra hadisə yerinə gedib.

“Hücum edən qayıqlar və qüvvələrimiz arasında atışma baş verib. Nəticədə dəniz quldurlarının qayıqları hadisə yerindən uzaqlaşıb”, - o deyib.

Hadisə zamanı xəsarət alanların olmadığı bildirilir.

# 1077
avatar

Oxşar yazılar