Dərbənddə kütləvi həbslər başlayıb - EKSKLÜZİV

Lent.az-ın Dərbənddəki mənbəyə istinadən verdiyi məlumata görə, bu gün cümə namazından sonra məscid ətrafında xüsusi təyinatlılar əməliyyat keçiriblər. Məsciddə bir qədər əvvəl qətlə yetirilən sələfi lider Kərimulla İbrahimovun tərəfdarlarının toplaşdığı barədə xəbər tutan güc strukturları hərəkətə keçərək məscidə aparan bütün yolları bağlayıblar.

Hər tərəf BTR-lərlə mühasirəyə alınıb. Bundan sonra məsciddən çıxan və ora gedən sələfilər həbs ediliblər.

“Ətraf küçələr də mühasirəyə alındığından şəhərdə böyük tıxaclar əmələ gəlib. İnsanlar həyəcan içində nə baş verdiyini anlamaq istəyirlər. Heç bir məlumat verilmir. Gəzən söz-söhbətə görə, həbslərin miqyası daha böyük olacaq. Şəhərdə əməlli başlı gərginlik hökm sürür” - deyə mənbə bildirib.

Səbuhi Məmmədli