Evdə rahat və dəbli olmağın 5 qızıl qaydası

Çölə çıxarkən yaxşı geyinmək insanı yaxşı hiss etdirir və özünə güvən gətirir. Bəs, ev? Əslində evdə olduğunuz zaman da eyni hissləri yaşayırıq. Xüsusilə uzun müddət evdə vaxt keçiririksə, özünüzü yaxşı hiss etmək və enerjinizi yüksək tutmaq üçün təpədən dırnağa qədər gözəl bir ev dizaynı yaratmalıyıq.

Evdə çöldəkindən çox daha rahat və sərbəst hərəkət etdiyimiz üçün təbii ki, rahatlıq ön plandadır. Ancaq fiziki rahatlıqdan başqa, özünüzü yaxşı hiss etdirəcək zəriflikdən də istifadə etməlisiniz.

Lent.az evdə həm səliqəli, həm də rahat olmağın üçün 5 qızıl qaydanı təqdim edir.

Əvvəlcə qarderobunuzu nəzərdən keçirin

Kişi və qadın ev geyimləri üçün bizim prioritetimiz ümumiyyətlə rahatlıqdır. Amma rahatlıq dedikdə, çölə geyinmədiyimiz paltarları evdə geyinməyi nəzərdə tuturuq. Ancaq gəzməkdə olduğu kimi evdə də qəşəng olmaq istəyirsinizsə, sərbəst hərəkət etməyə imkan verəcək paltarlar seçin. Yəni köhnəlmiş paltarları çox da istifadə etməyin. Son zamanlar ev geyimləri çox moda olmağa başlayıb. Bu dəblə ayaqlaşmaq üçün bir şey almadan əvvəl şkafınızdakı paltarları nəzərdən keçirməlisiniz.

Bunu edərkən qarderobun üst-alt bölmələri rənglərinə və naxışlarına görə qruplara ayırın. Onların hamısını bir yerdə görəndə necə birləşdirə biləcəyinizi və nəyə ehtiyacınız olduğunu daha asan kəşf edəcəksiniz.

Sevimli rənglərinizlə enerji yaxalayın

Sadəliyin tərəfdarısınız? Yoxsa bənövşəyi, narıncı, fuşya kimi sevimli dinamik rənglərin? Ev tərzinizi müəyyənləşdirərkən unutmayın ki, siz çöldəki geyim tərzindən qat-qat azad və rahat olduğunuza diqqət edib. Xüsusilə iş həyatında iş mühitinin müəyyən qaydalarına uyğun geyinmək lazım gələ bilər. Ancaq evdə siz tamamilə azadsınız. O zaman indi ruhunuzu azad etməyin vaxtıdır. Sevimli rənglərinizə diqqət yetirin. Sadə rəngləri və naxışları birləşdirən birləşmələri sınayın. Naxışlar həm geyiminizə hərəkət qatacaq, həm də sizə enerji verəcək.

Məsələn, qadınlar minimal və ya böyük çiçəkli üstləri düz rəngli altlıqlarla, kişilər isə həndəsi naxışları düz rəngli altlıqlarla birləşdirə bilərlər. Əgər ailə zərifliyi yaratmaq istəyirsinizsə, plaid naxışları seçib ümumi kombinlər yarada bilərsiniz.

Rənglərlə oynamaqdan qorxmayın. Birlikdə ziddiyyətli rənglərdən istifadə edərək möhtəşəm kombinlər əldə edə bilərsiniz. Məsələn, qara rəngli idman şalvarını sarı üst ilə birləşdirə bilərsiniz.

Yüngül və elastik parçalarla sərbəst hərəkət edin

Ev mühiti hər kəs üçün sərbəst hərəkət etmək deməkdir. Evdə işləyərkən divanda uzanarkən, kitab oxuyarkən və ya matça baxarkən sizi məhdudlaşdırmayacaq, darıxdırmayacaq naxış və parçalardan hazırlanmış paltarları seçməyiniz vacibdir. Bunun üçün siyahının başına tərləməyən və nəfəs alan pambıq paltarlara üstünlük verməlisiniz.

Boş geyinməyi sevirsinizsə, oversize “crop”larla istədiyiniz azadlığı, rahatlığa sahib ola bilərsiniz.

Aksesuarlarla geyiminizə hərəkətlilik qatın

Paltarları seçdik. İndi detallarla stili vurğulamaq üçün son toxunuşları etmək lazımdır.

Qadınlar üçün baş lentləri və saç sancaqları ev aksesuarı kimi paltarlara xüsusi bir aura qatacaq aksesuarlar arasındadır. Beləliklə, həm saçlarınızı rahat şəkildə yığa, həm də geyiminizlə uyğun üslub yarada bilərsiniz. Əsasən V-yaxalı köynəklə zərif boyunbağı taxmaqla evdə də parıldaya bilərsiniz.

Çalışıb evdə rəngbərəng corablar geyinin. Bu sizin əhvalınızı daha da yaxşılaşdıracaq.

Ev zərifliyini başmaq ilə tamamlayın

Çölə çıxanda ayaqqabı geyinmək lazım olduğu kimi, evdə həm sağlamlıq, həm də rahatlıq üçün ev ayaqqabısı və ya tərlik geyinmək lazımdır. Ev stili yaradarkən, başmaqlar paltarı tamamlayan aksesuar qədər əhəmiyyət qazanır.

Tərlik və ya ev ayaqqabısı seçərkən ayağınızın quruluşuna uyğun və rahat olacağınız qəlibdə olanları seçin. Altlıqların sürüşməməsi ən diqqət etməli olduğunuz vacib detaldır.

Uzun müddət evdə qalmalı olduğumuz bu dövrdə evdə özünüzü yaxşı hiss etmək və gözəl kombinlər hazırlamaq üçün 5 qızıl qaydadan istifadə edə bilərsiniz.