Ukraynadan qaçan Yanukoviçin həyat yoldaşı Krımda yaşayır - TƏFƏRRÜAT

Jurnalistlər Ukraynanın dördüncü prezidenti Viktor Yanukoviçin həyat yoldaşı Lyudmilanın Krımdakı həyatının təfərrüatlarını açıqlayıblar.

Lent.az xarici mediaya istinadla bildirir ki, jurnalistlərin məlumatına görə, Ukraynanın keçmiş prezidentinin həyat yoldaşı Sevastopolda yaşayır. Qeyd olunur ki, şəhər əhalisi Lyudmila Yanukoviçin “Merkuri” mağazalar şəbəkəsinin və “Mir lino” kinoteatrının sahibi olduğunu iddia edir. Eyni zamanda, o, bu müəssisələrin rəsmi təsisçiləri arasında yer almayıb.

Jurnalislər onu da qeyd edir ki, respublikanın keçmiş rəhbərinin həyat yoldaşı müntəzəm olaraq Sevastopoldakı “Qardaşlıq qəbiristanlığı”nı ziyarət edir.

Jurnalistlərin dediyinə görə, məzarı hündür hasara alınmış, gecə-gündüz videomüşahidə və mühafizə altında olan oğlu Viktor orada dəfn olunub.

Bundan əvvəl Viktor Yanukoviçin mətbuat katibi Yuri Kirasir mətbuatda Ukraynanın keçmiş prezidentinin həyat yoldaşının ölümü ilə bağlı yayılan xəbərləri təkzib etmişdi. Onun sözlərinə görə, bu barədə məlumatları “ayrı-ayrı məsuliyyətsiz şəxslər” yayıb və “ən qara piardan başqa bir şey deyil”.