Müəllim və şagirdin amansız ehtirası: həyatlarını cəhənnəmə çevirdi

İngiltərənin Susseks şəhərindən olan 25 yaşlı müəllim Fatina Hosseyn münasibətdə olduğu 14 yaşlı şagirdə qarşı cinayət törətdiyinə görə 5 il 4 ay həbs cəzasına məhkum edilib.

Lent.az-ın xarici mediaya istinadla məlumatına görə, Fatina Hosseyn yeniyetmə ilə intim münasibətə girib və o, qadağan olunmuş münasibətə son qoymaq qərarına gələndə hamilə olduğunu açıqlayıb. Bu şantaj olduğundan müəllim həbs olunub. O, həmçinin şagirdə ittihamlardan əl çəkməsi üçün pul verməyə çalışıb, hətta onu və ailəsini fiziki məhv etməklə hədələyib.

İndi Fatina dəmir barmaqlıqlar arxasında əməllərini başa düşməli olacaq və onun adı seksual cinayətkarların reyestrinə düşəcək.

Eyni zamanda, Fatina daha əvvəl bildirib ki, o, uşaqlarla işləmək, onların psixi sağlamlıqlarını araşdırmaq istəyir.

O, anketində qeyd edib: “İnanıram ki, böyüklərin həyatının problemləri uşaqlıqdan qaynaqlanır”.

O, cinayət hüququ ilə də maraqlanıb və Rohampton Universitetində kriminologiya üzrə magistr dərəcəsi alıb.