Yeni doğulmuş körpənin qarnında əkizlər tapıldı

Yeni doğulmuş körpəyə çox nadir rast gəlinən bir xəstəlik diaqnozu qoyulub və cəmi üç günlük ikən cərrahi müdaxilə tələb olunub. Körpənin qarnında əkizlər olub.

Lent.az-ın xarici KİV-ə istinadla xəbərinə görə, Hindistandan olan adı açıqlanmayan 32 yaşlı ana, adi tibbi müayinənin bir hissəsi olaraq hamiləliyin 35-ci həftəsində skan etdirib və bu, onun dölün içində döl daşıdığını ortaya qoyub - belə nadir bir vəziyyət 500.000 diri doğulandan birində baş verir.

Beynəlxalq mamalıq və ginekologiyada ultrasəs cəmiyyətinə (ISUOG) görə, döldəki döl "inkişaf zamanı normal bacısının, yaxud qardaşının bədənində anormal inkişaf etmiş dölün mövcud olduğu monoxorion, diamniotik əkizlərin olduqca nadir anomaliyasıdır".

Tibbi qeydlər başlayandan bəri dünyada yalnız 200 belə halın qeydə alındığı güman edilir.

Qadın fevralın 1-də müayinədən keçib və daha sonra oğlan uşağı dünyaya gətirib.

Bir neçə gün sonra Hindistanın Maharaştra əyalətinin Amravati rayonundakı xəstəxanada körpə qarnından dölləri çıxarmaq üçün əməliyyat olunub.

Oğlanı həkim Uşa Qadlbihe əməliyyat edib və o, daha sonra onun içindəki embrionların inkişaf etmiş qolları və ayaqları olan əkizlər olduğunu təsdiqləyib.

Döllər uğurla çıxarılıb və o vaxtdan həm ana, həm də uşaq yaxşılaşır.

Dölün içərisində dölün yaranmasına səbəb olan şeyə gəlincə, bir nəzəriyyə onun "yüksək dərəcəli teratoma (anormal hüceyrələr toplusu) forması" olduğunu deyir” - ISUOG-un məlumatında deyilir. Başqa bir nəzəriyyə görə parazit əkizlərdir. Klivlend Klinikası izah edir ki, bu, bir dölün inkişafını dayandırdığı, lakin öz əkizinə bağlı qaldığı birləşmiş əkiz növüdür.

Digər əkiz inkişaf etməyə davam edir, lakin adətən parazitar əkizlərinin əzaları, orqanları və ya digər toxuma strukturları hələ də bağlı olaraq doğulur. Bu, çox nadir haldır", - məlumatda vurğulanır.