Proqramları olmayan  Android telefonu – Necə işləyir?
27 fevral 2024 17:33 (UTC +04:00)

Proqramları olmayan Android telefonu – Necə işləyir?

Barselonada keçirilən “MWC 2024” beynəlxalq sərgisində telekommunikasiya operatoru “Deutsche Telekom” ənənəvi tətbiqləri olmayan Android smartfonunun konseptini nümayiş etdirib.

Lent.az “Android Authority”a istinadən xəbər verir ki, bu funksiyalar süni intellekt (AI) ilə işləyən chatbot tərəfindən götürülüb.

Sərgidə “Deutsche Telekom” tamamilə süni intellektə əsaslanan konsept telefonunu təqdim edib. Operator süni intellektin bütün istifadəçilərin ehtiyaclarını ödəməyə qadir olduğunu iddia edir və bunun gələcəkdə bütün smartfonların təkamülü olacağına inanır. Şirkətin baş direktoru Tim Höttges təqdimatda deyib:

 “Sizi əmin edə bilərəm ki, 5-10 ildən sonra heç birimiz proqramlardan istifadə etməyəcəyik”.

Səyahət planları və ya alış-veriş tövsiyələri almaq üçün istifadəçi sadəcə olaraq danışıq interfeysi vasitəsilə sorğu göndərməlidir. Siz həmçinin kameranızla şəkil çəkə və süni intellektdən onu dostlarınıza və ailənizə göndərməsini xahiş edə bilərsiniz. “Deutsche Telekom” bu layihəni “Qualcomm” və “Brain.AI” ilə birlikdə hazırlayıb. Sonuncunun artıq iOS üçün tətbiqi var. Tərtibatçının fikrincə, bu smartfonla eyni funksiyaları yerinə yetirir. Bununla belə, bu tətbiq haqqında rəylərin əksəriyyəti mənfidir.

Ancaq hələlik bu telefon sadəcə bir konsept olaraq qalır. “Humane AI Pin” və “Rabbit R1” kimi ekzotik süni intellekt cihazlarının mövcudluğunu nəzərə alaraq onun ideyasını istehsal cihazlarına çevirmək olar. Bununla belə, uğursuzluq kimi də unudula bilər.
 

# 2646
avatar

Sevinc Fərid

Oxşar yazılar