Litva azərbaycanlıları Moldova ombudsmanına təşəkkür məktubu göndərdi
19 iyul 2013 10:50 (UTC +04:00)

Litva azərbaycanlıları Moldova ombudsmanına təşəkkür məktubu göndərdi

 

Aurelia Qriqoriu Litva Azərbaycanlıları Cəmiyyəti və “Litva-Azərbaycan” Assosiasiyasının fəxri üzvü elan olunub

 

Litva Azərbaycanlıları Cəmiyyətinin sədri Mahir Həmzəyev və “Litva-Azərbaycan” Assosiasiyasının prezidenti İmantas Melyanas Moldova Respublikasının ombudsmanı Aurelia Qriqoriuya təşəkkür məktubu göndərib.

 

Diasporla İş üzrə Dövlət Komitəsinin mətbuat xidmətindən Lent.az-a verilən məlumata görə, məktubda qeyd edilir ki, Litva Azərbaycanlıları Cəmiyyəti və “Litva-Azərbaycan” Assosiasiyası iyulun 4-də Ermənistan parlamentindəki çıxışında Ermənistanın  Azərbaycana qarşı təcavüzünü, insanlığa zidd cinayətlər törətdiyini bəyan etməklə göstərdiyi cəsarət və prinsipiallığa görə Aurelia Qriqoriuya təşəkkür edir.

Litva Azərbaycanlıları Cəmiyyəti və “Litva-Azərbaycan” Assosiasiyası ümid edir ki, ombudsmanın bu xeyirxah addımı hələ də təcavüzkarla bu təcavüzdən əziyyət çəkəni ayırd edə bilməyən Birləşmiş Millətlər Təşkilatı, Avropa Birliyi, Avropa Şurası, ATƏT, NATO-nun digər rəsmi şəxsləri və bu təşkilatlara üzv dövlətlər üçün bir örnək olacaq. Məktubda Aurelia Qriqoriunun Litva Azərbaycanlıları Cəmiyyəti və “Litva-Azərbaycan” Assosiasiyasının fəxri üzvü elan olunduğu da bildirilir.

 

# 720
avatar

Oxşar yazılar