Aztəminatlı ailələrə bayram sovqatı paylandı

H. Əliyev fondu Zaqatalada 3 mindən yuxarı aztəminatlı ailəyə bayram sovqatı paylayıb.

APA-nın Şəki-Zaqatala bürosunun məlumatına görə, Zaqatalada H.Əliyev Fondunun təşəbbüsü və təşkilatçılığı ilə dövlətdən sosial müavinət alan aztəminatlı ailələrə bayram sovqatı paylanılıb. Heydər Əliyev Fondu tərəfindən 31 Dekabr - Dünya Azərbaycanlılarının Həmrəylik Günü və Yeni il münasibətilə aztəminatlı ailələrə verilən bayram sovqatı Zaqatala rayonunda 3054 ailəni əhatə edib.

Müxtəlif ərzaq məhsullarından ibarət bayram sovqatları bu gün aztəminatlı ailələrə çatdırılıb.