Azərbaycan Əmək və Sosial Münasibətlər Akademiyasında “Azərbaycanda ailə və gender məsələləri: mövcud vəziyyət və problemlər” mövzusunda IV respublika konfransı keçirilib.
APA-nın xəbərinə görə, konfransı Əmək və Sosial Münasibətlər Akademiyasının prorektoru, iqt. ü.f.d., dosent Mobil Məcidov giriş sözü ilə açdıqdan sonra ailə münasibətlərini əks etdirən film-çarx nümayiş etdirilib.
Plenar iclasda “Müasir dövrdə ailə institutu”, “Qadın alveri insan alveri kontekstində”, “Azərbaycanda ailə hüququnun inkişafında yeni institut: ailədə və məişətdə zorakılığın qarşısının alınması”, “Müasir ailədə mənəvi tərbiyənin rolu”, “Azərbaycanda gender bərabərliyi və gender pariteti məsələsi”, “Vətəndaş cəmiyyəti institutlarının fəaliyyətinin ailə-gender münasibətləri sisteminə təsiri”, “Sosial-əmək münasibətlərinin təkmilləşməsinə ailənin təsiri”, “Miqrasiya proseslərinin Azərbaycan ailəsinə təsiri: demoqrafik boşluq”, “Erkən nikahlar yerli və qlobal sosiomədəni dəyişmələr mətnində”, “Ailə münasibətlərinin gender problemləri gənclərin baxışında”, “Gender 2015-ci ilin problemidirmi?” mövzusunda məruzələr dinlənilib.
Daha sonra məruzələr ətrafında müzakirələr olub, təkliflər paketi hazırlanıb. Konfransın sonunda gender və ailə problemləri mövzusunda kitabların təqdimatı keçirilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
