Müəllimlər arasında dərs saatı QALMAQALI:  polis işə qarışdı
22 sentyabr 2022 16:07 (UTC +04:00)

Müəllimlər arasında dərs saatı QALMAQALI: polis işə qarışdı

Astara rayon Bəxtiyar Rüstəmov adına Asxanakəran kənd tam orta məktəbinin müəllimləri arasında qalmaqal yaşanıb.

Lent.az-a daxil olan şikayətə görə, tərəflərdən biri kənd mədəniyyət klubunun müdiri, eyni zamanda YAP-ın Asxanakəran kənd özəyinin sədri İbrahim Həsənzadədir. 

İbrahim Həsənzadə həm də adı çəkilən məktəbdə müəllim kimi fəaliyyət göstərir. 

İ.Həsənzadənin Lent.az-a açıqlamasında bildirib ki, Rizvan Qurbanov ona bilərəkdən şər atır:

“Direktor məni otağına çağırıb dedi ki, səndə olan 5 saatdan 2-ni Rizvan Qurbanova verim. Mən də razılıq verdim. Onun qardaşı şəhid olduğu üçün dedim ki, canımız şəhidlərə qurban. Mən ona müəllim yox, əmi demişəm. Atam da məktəbdə işləyir. Direktorun otağına gedib məzuniyyət üçün icazə alırdım. Çünki qardaşım əməliyyat olunmalı idi. 44 günlük Vətən Müharibəsində ağır zədə alıb. 

Mənim bu dəqiqə 25 min manat borcum var. Şəhid ailələrinə kömək etmişəm. Biz Rizvan bəylə çox yaxşı danışıb sağollaşdıq. Sonra bilmirəm nə oldu. Özü bilərəkdən mənə şər atır. Bizi polisə verdi. Onlar şəhid, biz də qazi ailəsiyik. Heç bir günahımız yoxdur. Atamın təzyiqi qalxdı, bir tərəfi işləmir. Mən bilmirəm nə edim”.

Məktəbin ibtidai sinif müəllimi olan Rizvan Qurbanov isə Lent.az-a deyib ki, direktor onun haqqı olan dərs saatlarını İbrahim müəllimə verir:

“Mən şəhid Qurbanov Sarvanın qardaşıyam. İbrahim Həsənzadə eyni vaxtda bir neçə yerdə işləyir. Lənkəran-Astara Regional Təhsil İdarəsinin müdiri Elxan müəllimdən boş olan 5 dərsi mənə verməsini xahiş etdim. Bu barədə direktora da məlumat verdim. O da dedi ki, həmin dərs saatlarını İbrahim müəllimə verəcək. Aradan bir saat keçdi, direktor məni yenidən kabinetə dəvət etdi. Otağa girdim ki, İbrahimin atası, özü və əmisi otaqdadır. 

İbrahimin atası Ceyhun yaxamdan yapışıb dərsi götürməməyimi tələb etdi. Dedim ki, o saatlar şəhid qardaşı olduğum üçün mənə verilib. Hüquq mühafizə orqanlarının bu hadisədən xəbəri var.

Onlar şəhid qardaşıma qarşı təhqiredici sözlər işlətdilər. İbrahim mənə dedi ki, sənin şəhidin yaşasa idi, səndən pis olacaqdı. Dedi ki, sənin qardaşın sağ olsaydı, sənin kimi quyruqsuz it olacaqdı. Şəhidə qarşı belə ifadə etmək heç doğru deyil. Mən onların cəza çəkməsini istəyirəm”.

Daxili İşlər Nazirliyinin mətbuat xidmətinin Lənkəran regional qrupunun baş inspektoru, polis baş leytenantı Məhəmməd Rzayev Lent.az-a açıqlamasında bildirib ki, məsələ ilə bağlı polisə müraciət daxil olub:

“Həmin müəllimlərdən biri aralarında baş verən mübahisə zamanı digər tərəfin onu söyüb təhqir etməsi ilə bağlı polisə müraciət edib. İlkin izahatları alınıb və məsələ ilə bağlı araşdırma aparılır”.

# 4137
avatar

Fidan İlqar

Oxşar yazılar

Naxçıvanın həbsdəki keçmiş nazirinin  vəziyyəti AĞIRLAŞDI

Naxçıvanın həbsdəki keçmiş nazirinin vəziyyəti AĞIRLAŞDI

28 noyabr 2022 , 23:10
Naxçıvanın tutulan maliyyə nazirini neçə il həbs cəzası gözləyir? - CAVAB

Naxçıvanın tutulan maliyyə nazirini neçə il həbs cəzası gözləyir? - CAVAB

28 noyabr 2022 , 18:19
 13 hərbçinin meyiti   Ermənistana verildi

13 hərbçinin meyiti Ermənistana verildi

28 noyabr 2022 , 17:39
Bakıda 5 marşrut xətti ilə bağlı  MÜSABİQƏ

Bakıda 5 marşrut xətti ilə bağlı MÜSABİQƏ

28 noyabr 2022 , 17:23
İnsan yetişdirən adam – O öyrətmirdi, öz yaşam tərzi ilə həyatı göstərirdi

İnsan yetişdirən adam – O öyrətmirdi, öz yaşam tərzi ilə həyatı göstərirdi

28 noyabr 2022 , 16:21
AzərTAc-a yeni sədr təyin edildi

AzərTAc-a yeni sədr təyin edildi

28 noyabr 2022 , 13:26
Sabah  qar yağacaq   - HAVA PROQNOZU

Sabah qar yağacaq - HAVA PROQNOZU

28 noyabr 2022 , 12:30
ATU növbəti beynəlxalq konqresə ev sahibliyi edəcək®

ATU növbəti beynəlxalq konqresə ev sahibliyi edəcək®

28 noyabr 2022 , 10:47