Ümumdünya Meteorologiya Təşkilatı El Nino fenomeninin yay aylarına təsir etmə ehtimalının 80 faizə qədər artdığını açıqlayıb.
Lent.az-ın xarici mediaya istinadən məlumatına görə, mütəxəssislər xəbərdarlıq edirlər ki, bu hadisə quraqlığı, həddindən artıq yağışları və istiliyi artıra və qlobal iqlimə ciddi təsir göstərə bilər.
Ümumdünya Meteorologiya Təşkilatı (ÜMT) hava proqnozları ilə bağlı yeni hesabat yayıb. Hesabatda bildirilir ki, tropik Sakit okeandakı qeyri-adi isti okean suları El-Ninonun əmələ gəlməsi üçün zəruri şərait yaradır və bunun qlobal temperatur və yağıntı modellərinə təsir edəcəyi bildirilir.
Proqnozlara görə, həddindən artıq istiliyə səbəb olan El-Nino fenomeninin iyun-avqust ayları arasında baş vermə ehtimalı 80 faiz təşkil edir. Qeyd olunur ki, El-Nino noyabr ayına qədər davam edəcək və əksər proqnoz modelləri onun "ən azı orta və ehtimal ki, güclü" olacağını göstərir.
ÜMT-nin baş katibi Seleste Saulo bildirib ki, dünya "həm quruda, həm də dənizdə quraqlığı və həddindən artıq yağışları daha da şiddətləndirə və istilik dalğaları riskini artıra biləcək" El-Ninoya hazırlaşmalıdır.
"Bu, qlobal istilənmə alovuna benzin tökəcək"
"El Nino qapımızın ağzındadır. Dünya bunu təcili iqlim xəbərdarlığı kimi qəbul etməlidir. El Nino qlobal istiləşmənin alovuna yanacaq əlavə edəcək. Yeganə təsirli metod böhranla uyğun iqlim tədbirləri; qalıq yanacaqlardan asılılığa son qoymaq, bərpa olunan enerjiyə keçidi sürətləndirmək, ən həssas təbəqələri qorumaq və hamı üçün erkən xəbərdarlıq sistemləri təmin etməkdir", - Birləşmiş Millətlər Təşkilatının baş katibi Antonio Quterreş bildirib.
El Nino, Sakit okeanın mərkəzi və şərq hissələrində səth temperaturunu artıran və dünyada yağıntı rejimində dəyişikliklərə səbəb olan təbii iqlim hadisəsi kimi tanınır. El Nino hava hadisələri adətən hər 2-7 ildən bir baş verir və təxminən 9-12 ay davam edir. Son El Nino hadisəsi 2023-cü ili qeydə alınan ikinci ən isti il, 2024-cü ili isə bütün zamanların ən isti ili edib ki, bu da 1850-1900-cü illərin sənaye öncəsi orta göstəricisindən təxminən 1,55 dərəcə yüksəkdir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
