Cümhuriyyət Xalq Partiyasının (CHP) 7-ci sədri Kamal Kılıçdaroğlu partiyasının aprelin 6-da keçiriləcək 21-ci fövqəladə qurultayında namizəd olmayacağını bildirib. Kılıçdaroğlu “Hamı namizəd göstərir, amma mən deyiləm” deyib.
Lent.az-ın Türkiyə mətbuatına istinadla xəbərinə görə, onun üçün 400-dən çox imza toplandığı iddiaları ilə bağlı danışan Kılıçdaroğlu, “Kaş ki, bunları deyənlər məndən də soruşsaydı” deyib və belə davam edib:
"Xeyr. Namizəd deyiləm. Bir müddətdir bayram tətilindəyəm. Dəvət almışamsa, qurultaya gedəcəm. Ofisdə olmadığım üçün dəvətin gəlib-gəlmədiyini bilmirəm. Bir-iki günə qayıdacam, əgər dəvət gəlibsə, gedəcəm".
Onun üçün toplanan imzalar 600-ü keçərsə, namizədliyini irəli sürməyi düşünəcəyi ilə bağlı iddialara cavab verən Kılıçdaroğlu deyib: "Az dedilər. Madam ki, mən bunu istədim, niyə az olsun? Ən azı 750-800 olsaydı... Az, 800-dən çox olsaydı. Hər kəs namizədliyini irəli sürür, mən namizəd deyiləm".
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
